كعك العيد في بيتنا،،،

اليوم جبتلكم كعك العيد الي بنعمله في بيتنا

هو حقيقة مو متل ما بتعملوه بالعادة وعشان كل الناس حبته فقلت بنقله الكم كمان،،،

المقادير::

3 كاسات طحين أبيض.
1 كاسة سمنة أو زيت ذرة.
2/3 ( تلتين) كاسة حليب.
2 بيضة مخفوقة.
بهار كعك ( إن وجد) .
2 ملعقة صغيرة باكنج باودر.
رشة ملح صغيرة.
رشة قرفة.
بكيت تمر للكعك ـ ـ ـ ـ ـ > ( يعني الي بكون بالمحلات هاد الكعك مبكت خصوصي) .
سمسم للي بحب يضيف سمسم على وجه الكعك.
ــــــــــــــــــــــــــــــــــــــــــــــــــ ـــــــــــــــــــــ

طريقة التحضير::

توضع مقادير الطحين والسمنة في وعاء واسع وتبدأ عملية فركه باليد وهو ما يسمى او بالاحرى تسميه أمي ( عملية البَسّْ) .

يضاف اليها رشة الملح وبهار الكعك والباكنج باودر.

تعجن المقادير السابقة كلها بالحليب الى ان يصبح العجين متماسكا.

تقسم العجينة وتقطع قطع صغيرة كما في الشكل::

هاد بالنسبة للعجينة هلأ بنروح لبكيت التمر:

بنفتحه وبنضيف عليه شوية قرفة يعني مقدار معلقة صغيرة قرفة وبمقدار ربع فنجان من زيت الذرة وبنعجن التمر لين يصير طري وسهل التقطيع الى دوائرصغيرة او متوسطة.

نبدأ العمل ب رك قطعة من العجين كما هو مبين هنا::

ثم نقوم بوضع التمر فوقها وركه فوق العجينة كما في الصورة::

الآن بنقوم بلف العجينة وبداخلها التمر بالطريقة التالية::

بعدين بنركها بإيدنا هيك:

وبنقطها بالسكينة برضك هيك بشكل مائل شوي عشان يطلع شكل احلى:

بندهن وجه الكعك بالريشة بالبيض المخفوق:

بطلع عنا شكل الكعك قبل يدخل الفرن وقبل السمسم بهاد الشكل:

وهيك شكله بس نضيف السمسم:

طبعا عارفين بنحطه بالفرن لحتى يتحمر من الجهتين،، وبطلع عنا هيك بعد التحمير:

وهيك:

ملاحظات:: يجب ان تكون السمنة بمقدارها المشار اليه مذابة على النار ( يعني المقدار الي هون بعد اذابتها مو قبل) .

وملاحظة تانية انه المقدار الي هون هو مقدار بسيط ولحتى نعمل كمية منيحة للعيد بدكم 3 أضعاف وبكيتين تمر.

ان شاء الله يكون عجبكم

وبنصحكم تجربوها،،، قصدي أمهاتكم الله يحفظهم ويخليهم انصحوهم يجربوها...

دمتم في رعاية الله

</DIV>

» *^*^*معمول العيد *^*^*