منتدى عائلة المزين
 
الرئيسيةالبوابةبحـثس .و .جالتسجيلدخولاتصل بنا
عرفهم من هو محمد

Knowing Allah

شاطر | 
 

 لا انت أخي ، ولا بعرفك !!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ابو وعد
مشرف
مشرف
avatar

ذكر عدد المساهمات : 643
العمر : 31

مُساهمةموضوع: لا انت أخي ، ولا بعرفك !!   الثلاثاء سبتمبر 14, 2010 5:07 am

لا انت أخي ، ولا بعرفك !!



بقلم الصديق والغزيزعلى قلبي
شحادة نصـّار - النمسا








صرلي شهرين ، كل مابتصل بأخي وبسألوا كيفك؟ بيقللي كثير مليح ..

صدقوني ، كنت يعني وشوي رح صدق !!



ومرته ، بتقصّر الحديث ، وبتحرف السؤال .



بسألها عن الناس اللي بعرفهم طلعوا من الحبوس لما لسه ؟ _!!

بتقلي هالأيام صار عنا بيتنجان ظريف ورح نساوي مكدوس ، واشترينا شوية خيار من عند جارنا أبو طنوس اللي فاتح بأول العبارة ، قبل ماياخدن غيرنا ويكبسن مخلل ..

بيني وبينكم توغوششت من جملة " بيكبسن مخلل " ..



وكل ماسأل الراجعين من الشام كيف البلد؟

بيقولوا : احكينا الحمد لله على السلامة ... ربك حميد نفدنا من ايد الحكومة ..



أنا قلت والله هالشغلة فيها إنّ ، يعني كل الناس كذابين وأخي مبسوط ؟؟ !!

شي مو معقول ...!



فتحت صفحة انترنيت ، تزلزل بدني ..

قريت أسماء معتقلين ، وملاحقين ، وناس عم ينقتلو بالجيش ، وقانون طوارئ شغال ، ومسؤولين عم يسرقوا البلد ..



اتصلت بأخي لأسأله ، قام قللي : كل شي على مايرام ، عميقولوا الأمور رايقة .

قلتلو : ولك شو رايقة ؟ انت كيفك ، قلي كيفك ؟



مارد علي ، وماشفت إلا وسكّر التلفون .

دقيت له مرة تانية ، وتالتة ، ورابعة ..

ماعد رد .

تركت الأمور يومين تلاتة لتروق .. رجعت دقيت ، طلعتلي مرتو ، قالت لي : شوف شحادة ، لا انت شحادة ولا منعرفك ، وسكرت التلفون .

قلت والله الشغلة فيها " إن " ّ ،ولك شو صار بالناس ، َجبـّنوا ؟!!

اتصلت مرة تانية ، طلعلي أخي و صار أخي يصفـّـر ، قاللي : رح احكي لك هالحكاية ...



قلي : كان في ملك ،

بس شوف : (هي الشغلة من زمان .. مو ايامنا ، هه !!"

هالملك طالع فرمان باعتقال كل الجمال بالبلد ،

" ولا تنسى انو انا عم بحكي عن عصر تخلف ، راح ومضى هه ..

وبالصحراء كان جمل هربان ، قام شاف حصيني لاطي بحد عشبة كبيرة ....... قام الجمل سأل الحصيني : ولك ليش متخبي هون ؟

بتعرف شو رد عليه ؟



قالو هربان من الحكومة ..

بس مثل ماعم قلك هي شغلة مو عن حكومتنا ،

الجمل قلو : الحكومة عم تدور عالجمال ، وانت شو دخلك ؟

رد عليه الحصيني وقلو : بيمسكوني رهينية حتى يمسكوك .

أخي ، ردد أخي عالتليفون :

فهمت عليي ، ولا نشرح ..



كمان صفر صفرة طويلة وقال : يلعن عرضن والله رح يساووا جلدي دربكات ان عرفوا اني أخوك ، ولك عم يمسكوا ناس بدل ناس ، قال شو ، قال هدول رهائن حتى يرجع أخوك ، أو أبوك ، أو ابن عمك ..

ولك ماسكين المحامي هيثم المالح رهينة عن ابنو (أياس) وماسكين بنات صغار ، واحدة اسما طل ، والتانية آيات ، وماسكين جماعة آشورية وجماعة أكراد ، وعشيرة بدو ، قال شو ؟

قال رقصوا بأيام العيد .

ولك بشان المسيح ماتخليني طول لساني مثلك ،

بعفطوني * ..

و مشان هيك ،

أخي لا انت اخي ولا بعرفك ، ويلعن أبو الظلم .. حاكم البلد .

= = = = = = = = = = = = * بيعفطوني ، يعتقلونني
الرجوع الى أعلى الصفحة اذهب الى الأسفل
الإمبراطورة
مشرفة
مشرفة
avatar

انثى عدد المساهمات : 457

مُساهمةموضوع: رد: لا انت أخي ، ولا بعرفك !!   الأربعاء سبتمبر 15, 2010 1:16 am


_________________
الرجوع الى أعلى الصفحة اذهب الى الأسفل
جنة فلسطين
عضو
عضو
avatar

عدد المساهمات : 66
العمر : 29

مُساهمةموضوع: رد: لا انت أخي ، ولا بعرفك !!   الأربعاء سبتمبر 15, 2010 5:38 am

بارك الله فيك
تقبل مروري
الرجوع الى أعلى الصفحة اذهب الى الأسفل
رحيق الورد
نائبة المدير
نائبة المدير
avatar

انثى عدد المساهمات : 543
العمر : 27

مُساهمةموضوع: رد: لا انت أخي ، ولا بعرفك !!   الأربعاء سبتمبر 15, 2010 5:51 am

مشكور ابو وعد علي جهدك المتواصل في المنتدي
بجد بتستاهل التكريم
الرجوع الى أعلى الصفحة اذهب الى الأسفل
ايمى المزين
مشرفة
مشرفة
avatar

انثى عدد المساهمات : 227

مُساهمةموضوع: رد: لا انت أخي ، ولا بعرفك !!   الخميس سبتمبر 16, 2010 6:30 am


تسلم ابو وعد
الرجوع الى أعلى الصفحة اذهب الى الأسفل
نور المزين
مشرفة
مشرفة
avatar

انثى عدد المساهمات : 114

مُساهمةموضوع: رد: لا انت أخي ، ولا بعرفك !!   الخميس سبتمبر 16, 2010 7:49 pm

بارك الله فيك ابو وعد
الرجوع الى أعلى الصفحة اذهب الى الأسفل
 
لا انت أخي ، ولا بعرفك !!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
عائلة المزين :: استراحة المنتدى :: استراحة المنتدي-
انتقل الى: